Urut-Rantamaning adicoro temu pinanganten
.Panyandra Pambuka (perkenalan, izin mc bersuara, dkk alias cek sound)
1. mijilipun temanten putri (keluar dari tempat rias)
2. praptaning temanten kakung (pengantren putra masuk lokasi)
3. panggih (menginjak telur, cuci kaki, sinduran(selendang)
4. krobongan (bobot timbang, tandur, kacar-kucur, dahar kembul) (diatas Panggung)
5. mapak besan
6. sungkeman
7. photo temanten / makan-makan
8. pambagya harja (walimah)
9. panutup/purna
CONTOH TEXT MC:
.PANYANDRA PAMBUKA (perkenalan, izin mc bersuara, dkk alias cek sound)
Nuwun,kanthi mboten ngirangi pakurmatan katetepaken saagung para tamu bapak saha ibu, kepareng kulo ngaturaken : ASSALAMUALAIKUM..nugraha saha sih wilasaning gusti ingkang mahaagung satemah ambabar daya pangaribawa ingkang tansah tumedhakk tumandhuk dumateng kawula kinasih . nuwun kulo nuwun para sepuh dalah pinisepuh ingkang hanggung mastuti dumateng pepoyaning kautaman, langkung langkung wonten ngarsanipun para alim ulama, ingkang rinten kalawan ndalu tansah sumanding kitab suci wahyuning ilahi minangka panuntun kiblating manembah ingkang satuhu luhur ing budi. para pangemban pangembating praja tuwin satriyaning nagari kinaryo songsong agunging bebrayan ingkang tuhu pantes sinudharsono. sumawana sangyaning para rawuh kakung myang putri ingkang tansah sinugotho ing saagunging pakurmatan. ngengeti panjenngan sedaya dalah kulo namung jeejring titah asawantah jalmo manungsa limprah ingkang tansah kapurba kawasesa dening gusti kang maha kuwasa. pramila sumangga tansah handedepe sumende hangunjukaken raos pujo puji sukur wonten ngarasa dalem gusti kang maha agung, nun inggih gusti allah. ingkang sampun kepareng paring kekiyatan tuwin kawilujengan satemah panjenngan sedaya dalah kulo saget kempal manunggal ing pahargyan wanci menika.
Dene rohmat sholawat saha salam mugi tansaah lumeber dumateng piyagung luhur sekaring jagad mustikaning bawana, nun inggih sayidin penetep panata agama. rasulullah fil ardhi, rasulullah muhammad saw saha keluarga sumrambah para sahabat mugi saget lumeber saagung pandherek, bilih mangke kalebet panjenngan sedaya lan kula ingkang rinten kalawan ndalu tansah hangantu-antu safa'atipun. bapak saha ibu saagung para tamu ingkang tansah winantu ing suka tuwin basuki, dene sakderengipun tuhu linepatno ing deduko tinebihno salwiring sesendu dene kulo cumanthoko lumarap atur satemah hanggempil kamardikan nyigeg nggenya nembe wawan pangandikan, nun inggih awrat mundi dawuh saking bapak,... dalah ibu... kula minangka pambiwara kinen handerekaken lampahinh dhaupipun risang pinanganten kaleh, ingkang asesilih rara ayu ... dhaup kaliyan bagus .. kakungipun bp... dalah ibu.. saking... meniko kawistara tumapaking adicara ijabing pinanganten sampun lumampah kala wau kirang langkung tabuh (jam) ... wekdal nuswantara imbang pracima, kairing dongo pramuji saking saagung para tamu, mugi nggenya hanetepi dharmaning asepuh, wiwit purwa madya wasana ing mangke tansah pikantuk songsong kawilujengan, satemah saget lulus raharja kalis ing sambikala, rehning sadaya sampun samekta tuwin satata, pramila ing mangke adicara tumuli badhe kula purwakani, minangka pambuka, kula badhe ngaturaken sesanti pamiyaking warana kinarya sarana hamemayu hayuning sasama. selajengipun katur dhumateng para tamu, sumangga kula dherekaken lenggah kanthi mardikaning penggalih, hangantu tumappaking adicara samangke, nuwun.
1. PANYANDRA MIJILIPUN TEMANTEN PUTRI (keluarnya pengantin putri dari kamar rias)
Binarung swaraning pradangga munya hangrangin, hambabar Ketawang Puspawarna. Kaya ana ganda hangambar arum katiuping samirana manda. Kawistingal jengkaring temanten putri mijil saking panti busana.
Panti ateges papan busana ageman,mijil saking panti busana ateges miyos saking papan ageman nedya sumarak wonten ngarsanipun para tamu manjing ing salebeting sasana pahargya.
penganten putri hangagem busana kang sarwaretna hangemba busananing garwa nata. Katon pating galebyar pating pancurat ,lamun rinumpaka ing ukara yayah sileh prenah
Hangagem puspita rinonce ingkang ukelira kasampiraken ing pamidhangan kanan, lamun katiyuping samirana kongas gandane hangebegi sajroning sasana pahargya.
Endaah edining busana hangimbuhi gandhes luwes solah bawane, lamun cinandra ical sipating jalma sawantah pan yayah Bathari Ratih ngeja wantah.
2. PANYANDRA PRAPTANING TEMANTEN KAKUNG (kedatangan pengantin putra)
Geteeeer pater kaya ana teja kang manter, horek sanjawineng sasana pahargya bebasan sorak hambata rubuh swarane. awit kena pangaribawane risang temanten kakung ingkang ketingal agung, ageng lan wibawa.
Temanten kakung lamun cinandra bebasan kurang candra luwih warna. Dasar pekik ing warna, dedek pidheksa pangawak pradata. Langkun-langkung sinasaban busana kang tinaretes benang kencana, sumunar agilar-gilar nanging datan hambelerengi. Saya malih hangagem dhestar hangemba nata tan ana kang kuciwa
Dampyak-dampyak para kadang kaliyan warga wandana alur selur ndalidir tan ana pedhote ingkang samya kangayap hambayangkara tindakipun temanten priya.
Wus ndungkap unggyan kang tinuju ,gya lumadi laksitaning adicara pasrah tampa.
3. PANYANDRA TEMANTEN PANGGIH / TEMON
Reeep tidhem premanem, datan ana sabawane walang salisik, bebasan gegodhongan tan ebah awit samirana tan lumampah, kang kapyarsa amung swaranya pradangga lokananta ingkang munya ing sasana wiwaha, senadyan hamung lumantar swaraning pita swara. Awit sedaya kalawau kena pangaribawane kang samya binoja krama.
Tuhu wes pinesti ana titahing Gusti ingkang asipat jalu lan wanita ingkang nedya ngancik ing ngalam madya hanenggih sambut silaning akrama
nulya kumlawe astane temanten putri sarwi hambalang gantal mring temanten priya kang winastan Gondhang Kasih
Datan saranta temanten kakung gya amales hambalang gantal mring temanten putri kang winastan Gondhang tutur.
KETIKA MENGINJAK TELUR
Kawistara kanang antiga tinapak padha pecah sanalika dening temanten kakung. Punika asung pralampita bilih temanten kakung calon dados lantaraning tuwuh/wiji ingkang suci,pratima bangkit tata jalma,putra kinarya tetalining akrama.
KETIKA CUCI KAKI
Tanggap temanten putri gita-gita hanjengku mring pepadhaning keng raka,sarwi sumembah sarta hamiji pepadhaning ingkang garwa
KETIKA SINDURAN
Titipurna adicara panggih, tumuli lumadi adicara sinduran. Kawistara temanten kekalih sinengepan sindur ingkang kaaturaken dening ingkang Ibu. tanggapin sasmita ingkang Bapa gita-gita angasta poncoting sindur tumuli hanganthi putra temanten kekalih tumuju ing kursi palakrami.
Kawuryaaan alon-alon tindhake lan banget pangati-atine ingkang Bapa tuwin Ibu hanganthi putra temanten sekaliyan tumuju unggyan kang tinuju.Punika asung pralampita dhumateng kang binoja krama,mugi -mugi anggenipun nepusi jangkaning agesang mangun brayat anyar,tansah kebak ing pangati-ati ,datan grusa-grusu mundhak kesluru, tan milik barang kang elok jalaran keselak muluk.
4. TULADHA ATURIPUN PRANATACARA BADHE UPACARA KROBONGAN
Tinon wus paripurna upacara panggih, satuhu trep pindha curiga panggih kaliyan warangka. bebasan getih rong tetes, daging rong tempel, balung rong ceklek, samangke sampun wus manunggal dadya sajuga. Sang jejaka miwah sang kenya, mangkya wus manunggal inng karep, nunggal sedya, nunggal tekad, nunggal ati, nunggal raga, nungal jiwa mangun brayat anyar wonten madayaning bebrayan agung.
Para rawuh saha para lenggah, ngancik adicara candakipun nun inggih upacara adat krobongan, anut satataning adat widhiwidana ingkang taksih lumampah wonten ing laladan ngriki. Upacara krobongan punika antawisipun :
a. bobot Timbang
b. tandur
c. kacar-kucur
d. dahar kembul
5. TULADHA ATURIPUN PRANATACARA NALIKA BADHE RAWUHIPUN MAPAG BESAN
Para rawuh kakung sumawana putri, madyaning suka ing kalenggahan menika boten kekilapan kadang besan sutresna nun inggih (nama besan. misal Bapa Rahmad) lekasing sedya ugi ndherek mangayubagya keparengipun Bapa/Ibu...(nama pamangku gati.misal Bapa Raharjo) sekalian ingkang hamiwaha putra mahargya siwi, manjing wonten sasana pawiwahan, ginarubyug sagunging para kadang santana.
Rawuhipun panjenenganipun Bapa...(nama besan misal Bapa Rahmad) kairing ungeling gendhing Tirta kencana
6. SUNGKEMAN
Sanggya para lenggah, para rawuh ingkang winantu ing kabagyan. Paripurna laksitaning adicara adat krobongan ingkang sampun kasembadan kanthi lulus raharja nirwikara ing samudayanipun, ingkang saklajengipun badhe lumadi adicara sungkeman. ananging sakdherengipun adicara menika kawiwitan, langkung rumiyen besan ingkang taksing mapan wonten ing sasan palereman badhe kapapag tumuli kairing wonten ing sajejering kursi pelaminan wosing gati hanampi sungkemipun ingkang putra. Pramila saking menika dhumateng Bapa..(nama besan) sekalian garwa keparenga jengkar saking kursi rinengga.
Jengkaring Bapa..(nama besan)sekalian kabiwadha ungeling gending kapang-kapang.
Wus lengser saking palenggahan, risang temanten kakung hanganthi ingkang garwa sumarak wonten ing ngarsanipun ingkang Bapa tuwin Ibu,tumuli sumungkem lan ngabekti nyuwun idi pangestu anggenipun palakrama mugi tansah manggih bagya mulya,saget langgeng dumugi salami-laminya.
Bekti dhumateng ingkang Rama labet enget bilih ingkang rama wus sembada ngfukir jiwaraga dadya lantaraning tuwuh.
Parandene sumungkem dumateng ingkang ibu labet enget bilih ingkang Ibu wus kinarya papanig yoga brata salebeting nawa candra dasa ari, sarta hanglelithing wiwit alit dumugi akir dewasa,bebasan cilik digedhek.ke,bodho kapinterake.
Brool kanang waspa ingkang mijil saking anggenira temanten kekalih,tumibeng ing pangkone ingkang rama lan ibu kadya mutiara kang rinonce. kaladuk.e kang ngrumpaka basa bebasan banjir luh sarah waspa sajroning sasana rinengga.
ARTINYA :
1. PANYANDRA MIJILIPUN TEMANTEN PUTRI (keluarnya pengantin putri dari kamar rias)
Terhanyut dalam suara gending ketawang sekarteja/Puspawarna. Seperti ada aroma wangi semerbak terbawa angin. Terlihat pengantin putri sudah beranjak dari ruang ganti busana.
Panti bermakna tempat, busana adalah apa yang dikenakan, mijil saking panti busana bermakna beranjak keluar dari tempat ruang ganti busana menuju ke hadapan para tamu di tengah pesta.
penganten putri mengenakan busana yang serba indah bagaikan busana istri raja. Terlihat bersinar-sinar dan gemebyar. bila diibaratkan tidak ada celanya semua serba pas.
Mengenakan bunga yang dirangkai disampirkan dipundak kanan. Bila tertiup angin harum baunya memenuhi seluruh ruangan jamuan/pesta.
Indah dan sesuai busana yang dikenakan menambah pesona lemah gemulai gerakannya, jika di ibaratkan seperti bukan insan manusia tetapi seorang bidadari ratih yang turun dari kahyangan.
2. PANYANDRA PRAPTANING TEMANTEN KAKUNG (kedatangan pengantin putra)
Bagaikan ada hembusan angin badai yang keras, suasana kalang kabut menyerbu ditengah-tengah pesta ibarat ada suara bangunan yang roboh. Semua akibat karena terkena pancaran aura sang pengantin pria yang terlihat agung dan berwibawa.
Penganten pria diibaratkan penuh kebagusan. dasarnya memang tampan, tinggi tegap badannya. Apalagi mengenakan busana yang ditenun dari benang keemasan. bersinar-sinar namun tidak menyilaukan. ditambahlagi memakai dhestar (Mahkota/peci khas Raja jawa) yang mirip para Raja yang tidak mengecawakan (semua serba sesuai)
Berjalan beriringan para saudara dan keluarga dekat lainnya sambung menyambung tidak terputus padat merayap mengiring langkahnya pengantin pria.
Sudah sampai tempat yang dituju, maka segera dilanjutkan acara selanjutnya yaitu acara serah dan terima (pasrah tampi).
3. PANYANDRA TEMANTEN PANGGIH / TEMON
Suasana hening dan tenang, tidak ada suara belalangpun walau seekor. ibarat daupun tidak bergerak karena anginpun berhenti bertiup. Yang terdengar hanya suara gending yang dipputar ditengah-tengah pesta. walau hanya diputar melalui kaset (pita suara) semua itu karena terkena pancaran aura yang sedang melangsungkan acara nikah.
Sungguh sudah ada garis dari Tuhan terciptanya laki-laki dan perempuan di dunia yang kemudian berjodoh
Lalu melambai tangan pengantin putri disertai melempar gantal (daun sirih) kepada pengantin pria yang dinamakan Gondhang Kasih (daun sirih yang dipegang pengantin putri disebut gondhang kasih)
Kemudian ini juga segera dilakukan pengantin pria bergegas membalas melempar gantal (daun sirih di gulung kecil) yang dinamakan Gondhang tutur.
KETIKA MENGINJAK TELUR
Sudah terlihat telur diinjak pecah seketika oleh kaki pengantin pria, itu memberi gambaran/tanda bahwa pengantin pria merupakan calon yang akan menjadi pengantar benih suci, hadirnya keturunan sebagai tali pernikahan.
KETIKA CUCI KAKI
Lalu bergegas pengantin putri segera merunduk ke kaki suami, memberi penghormatan (menyembah ala keraton) serta mencuci kaki suami.
KETIKA SINDURAN (sindur merupakan kain selendang)
Selesai acara panggih, segera dilaksanakan acara sinduran, terlihat kedua pengantin dikenakan kain sindur (selendang) yang diberikan oleh Ibu. Menerima kode tersebut, sang Bapa pun segera memegang ujung kain sindur kemudian mengiring kedua mempelai menuju kursi pelaminan.
Terlihat pelan-pelan dan penuh kehati-hatian jalannya sang Bapa dan Ibu dalam mendampingi kedua mempelai menuju tempat yang dituju. Itu memberi gambaran/tanda kepada mempelai berdua untuk senantiasa berhati-hati dalam mengarungi rumah tangga, tidak grusa-grusu (sembrono) agar tidak keliru, tidak iri dan berkeinginan dengan barang yang mewah dikarenakan ingin dipandang wah.
4. TULADHA ATURIPUN PRANATACARA BADHE UPACARA KROBONGAN
Telah selesai upacara panggih, sungguh sesuai dan pas bagaikan keris dan tempatnya. Bagaikan darah dua tetes, daging dua potong, tulang dua patahan, kini sudah bersatu menjadi satu bagian dalam niat, bersatu dalam pandangan, bersatunya hati, raga dan bersatu dalam jiwa membangun keluarga baru di tengah masyarakat.
Para tamu sekalian, menginjak acara berikutnya, yaitu upacara adat krobongan, menurut tatacara adat yang sudah berjalan di daerah sini. Upacara krobongan antara lain:
bobot Timbang
tandur
kacar-kucur
dahar kembul
5. TULADHA ATURIPUN PRANATACARA NALIKA BADHE RAWUHIPUN MAPAG BESAN
Hadirin sekalian, ditengah kegembiraan hari ini ada kekurangan kadang besan sutresna yaitu.. (nama besan. misal Bapa Rahmad). Harapan Bapa/Ibu...(nama pamangku gati.misal Bapa Raharjo) dan istri dalam menikahkan putrinya, berkenan turut hadir di dalam tengah-tengah acara diiring oleh para saudara.
Kedatangan Bapa...(nama besan misal Bapa Rahmad) diiring pemutaran gendhing Tirta kencana
6. SUNGKEMAN
Hadirin yang berbahagia, selesai acara adat krobongan yang telah terlaksana dengan baik, selanjutnya akan dijalankan acara sungkeman. Namun sebelum acar dimulai, sebelumnya besan yang masih di tempat persinggahan akan dijemput diiring ke kursi pelaminan saperlu menerima sungkemnya putra. Oleh karena itu kepada Bapa..(nama besan) dan istri dipersilahkan berdiri dari tempatnya. Langkah Bapa..(nama besan) sekalian dan istri diiring dengan pemutaran gending kapang-kapang.
Sudah bergeser dari tempat duduk, pengantin pria mendampingi istri menuju ke hadapan Bapa dan Ibu, lalu sungkem dan meminta restu dalam pernikahannya semoga selalu menemui kebahagian dan langgeng hingga selama-lamanya.
Sungkem bekti kepada Bapa karena ingat bahwa bapaklah yang menyebabkan dirinya bisa ada di dunia.
sedangkan sumungkem kepada ibu dikarenakan bahwa Ibulah yang mengandung selama sembilan bulan sepuluh hari lamanya, yang merawat dari kecil hingga dewasa, singkat kata kecil dibesarkan, bodoh dipintarkan.
Mengalir air mata keluar dari mata kedua mempelai, jatuh dipangkuan Ayah-bunda seperti untaian mutiara. ungkapan yang sesuai sepertinya banjir air mata ditengah pesta.
.png "English"){kind=small}
