CONTOH TEKS MC/PEMBAWA ACARA PERNIKAHAN WALIMATUL URSY BAHASA JAWEN, JAWA, JAWI.

 Salam

Alhamdulillah
Alhamdulillahilladzi arsala rasulahu bilhuda wadinil haq
Liyudhirohu 'ala dini kulli walau karihal musrikun
Allahumma sholli solatan kamilatan wasallim salaman tamman...
Qolallahuta'ala fikitabihil kariim audzubillahiminassyaitonirrojiim. bismillahirr
Wamin ayaatihii ankholaqo lakumm min anggfusikum aswaaja, litaskunuu ilaiha waja'ala bainakum mawaddatan warohmah, inna fi dzaalika laayatil liqoumi yatafakkarun
Waqola rasulullah... Annikaahu sunnati faman roghiba ansunnati falaisa minni
Waqola aidon ro'atani minal mutazawiji afdholu min sabina ro'atanm minal adzab al-hadist au kama qol, ammaaba’du.

Hadratol fudhola' fal quroma' satajana para masyaikh, poro 'alim ulama', poro kyai ingkang satuhu kinurmatan.
Wabil akhos panjennganipun Almukarrom ...  matta'anallahu
Poro sepuh, pinisepuh sanak lan kadang ingkang sinubo ing pakurmatan.
Poro pilenggah kakung sumawono putri, sumrambahipun poro duto saroyo pangombyong pinanganten putri ingkang tansah suko basuki.


Minangkaning purwokaning atur sumonggo tansah kulo derekaken ngraosaken puji syukur Alhamdulillah wonten ngarso dalem Alloh SWT. Ingkang sarono sih kawelasan soho lumeberipun rohmat taufik soho hidayahipun kulo dalah panjenengan sedoyo saget makempal manunggal wonten setunggal majlis, saperlu Derek-derek mangestreni wontenipun acoro walimatul ‘urusy kanti kawontenan wilujeng nir sambikolo kalis ing beboyo.

Sholatulloh wa salamuhu mugi katetepaken wonten ngersanipun  junjungan kito Nabi Muhammad SAW. Lumebering domateng poro shohabat ipun, sageto mahanani domateng panjenengan ipun bopo santo dalah keluwargo, anggenipun ngentas pitulus amiwoho putro mahargiyo sisi putro putri ingkang asesilih Raden mas bagus damai triswanto kalian roro diyah ayu candra ariani ing pangajab, mugi pinanganten kekalih saget dados pinanganten ingkang barokah keluwarganipun, dipun dadosaken keluwargo ingkan sakinah,wamadah warohmah,angsal pangestunipun poro rawuh ingkang sami lenggah,  Amin……

Poro rawuh kakung sumawono putri ingkang satuhu pantes hanampi sagunging pakurmatan , mboten ateges cumantoko kawulo jumeneng wonten ngarso panjenngan sami, anamung piniji minongko pambiworo lampahin adicoro pasamuhan walimatul urs Raden Bagus Damai Triswanto Bin bopo santo dalah ibu Umi Muslimah kalian Raden ajeng roro Candra Ariani Binti bopo Mu'air dalah ibu sunarsih.

Poro rawuh kakung sumawono putri ingkang pinundi
hamurwakani lekasing sedya wigatosing gati, kaparengo langkung rumiyen kulo aturaken urut rantamaning adicara ingkang sampun rinajih, rinampat, ugi rinumbuko dening kaluargo ingkang hamangun suko, wodene adicoro ingkang karuhun nun inggih atur pambuko
2.
3.
4.
5.


Mekaten menggah tata rakiting adicara pawiwahan ingkang sampun rinakit lan mangga pawiwahan punika kita buka kanthi waosan umul kitab ing pangajab mugi-mugi pawiwahan siang punika purwa madya wasana tansah manggih rahayu kalis ing rubeda nir ing sambikala liridoillah wali syafaatillah

mekaten poro lenggah adicoro sepindah sampun binuka, mugi2 kanti pandungo panjenngan sedoyo kolowau adicoro samangke saget lulus raharja gancar rancak tan ana rubedo amiinn


Wahyanin mongso kapan wus ndungkap titi laksananing adicoro, sumonggo kito sigrak tumapak ing adicoro ingkang ongko kalih nun inggih waosan ayat-2 suci Al qur an,ananging sak derengipun waosan ayat2 suci Alqur an kalaksanan,sakderengipun nyuwun sewu agungin aksomo,domateng poro rawuh ingkang taksih sami ngudut/rerembakan kasuwun kancendak sawatawis saperlu hormat soho mirengaken waosan ayat2 suci Al qur an ingkang bade kawahos dening sederek….……….saking……wekdal soho sasono kawulo aturaken
Mekaten menggah waosan ayat-2 suci Al qur'an sinartan ing pamuji,mugi nampi imbalan nugroho saking ngersane Alloh SWT, Amin-3 x

 ‘’Para rawuh kakung sumawana putri ingkang dahat kinurmatan  !!

 Tumapak adicara ingkang angka tiga nun inggih atur pasrah saking kulawarga pinanganten kakung/putri pramila punika dumateng panjenenganipun bapak ingkang sampun kapiji hanjejeri minangka talang basa saking keluawarga  pinanganten wekdal saha sasana kawula aturaken……
Mekaten menggah pasrah ingkang sampun ceto tatas soho titis tur trawoco

Selajengipun inggih puniko atur pambagyo soho tampi pinanganten saking mengku gati, sejatosipun panjenenganipun bapak ……………..badhe marak ngbiyantara sami, saperlu nampi pasrah saking keluwarga pinanganten kakung/putri menika ananging nggih kabekto saking bombong miwah mongkoking manah karana karoban ing sih sadaya ingkang sampun hanjenengi saengga mboten kuwawi matur piyambak pramila menika badhe dipun sulih sarirani dening bapak ……… …….. pramila dumateng panjenenganipun wekdal saha sasana kawula aturaken.

Satuhu tatas titis wijang saha gamblang atur panampi ingkang sampun dipun aturaken. Lan mangga adicara wonten pawiwahan punika kita lajengaken. Minangka adicara ingkang angka sekawan nun inggih adicara inti walimatul ursy pramila dhumateng para kadang sinoman dipun suwun angayahi punapa ingkang dados jejibahanipun ngaturaken pasugatan twin dedaharan dumateng para tamu. Lan dumateng kadang juru pitha swara kasuwun muter lelagon ingkang cunduk kaliyan swasana wonten dalu/siang punika . sumangga…!!!